Prentsa Oharren banner

Gasteizek Antzinako Liburuen Azoka berreskuratu du

Urrezko Zeledonen plazan egingo da 26. edizioa, ekainaren 25etik uztailaren 11ra arte.

 

Gasteizek irakur- eta liburu-zaleen ekimen kuttunenetako bat berreskuratuko du, Antzinako Liburuen Azoka, alegia, zein iaz bertan behera geratu baitzen pandemiaren ondorioz.

Ekimena aurkezteko prentsaurrekoan parte hartu dute Hezkuntza eta Kulturako zinegotzi Estíbaliz Canto eta Azokaren arduradun Txema Sandoval, zeinek berari buruzko xehetasun batzuk azaldu baititu.

Urrezko Zeledonen plazak 8 saltoki hartuko ditu ekainaren 25etik uztailaren 11ra bitartean, goizeko 11:00etatik 14:0etara, eta arratsaldeko 17:00etatik 21:00etara. Liburu-denda hauek arituko dira: Asilo del Libro, Torres de Valencia, Arkadia, Xabier, La Ela, Eurolibro, Maxtor eta Sekhmet.

Pozez hartu du Cantok Azokaren itzulera: “Poz handia da aurten ekimena berreskuratu ahal izatea, urtebetez utzi behar izan eta gero. Kultura Zerbitzutik antzinako eta bigarren eskuko liburuak sustatzera bideratutako ekimen honen alde gaude erabat. Ahalegin horretan jarraituko dugu gure Udal liburutegien saretik, irakurzaletasuna eta liburuen inguruko ekimenak sustatuz; bide batez esanda, gainera, ez dezagun ahaztu zenbat lagundu diguten liburuek hilabete benetan zail hauetan”.

Gasteizko Udalak 6.000 euroko dirulaguntza emango dizkio Azokari; horrez gain, espazio publikoa utziko dio doan Azoka ateak irekita egongo den egunetan, bai eta hura muntatu eta desmuntatzeko esleitu diren egunetan ere.

Ekimena ALVE (Euskadiko Antzinako Liburuen alorreko Enpresaburuen Elkartea) elkarteak antolatzen du, eta gero Espainiako beste hiri batzuetara ere joango da, hala nola Bartzelona, Bilbo, Donostia, Valentzia eta Valladolidera.

 

Share

‘Campeones del mundo’  erakusketa aurkeztu du Gaspar Avilesek Montehermoso kulturunean

Maiatzaren 28tik ekainaren 27ra arte egongo da ikusgai

 

Gaspar Avilés artistak “Campeones del mundo” erakusketa aurkeztu du eta maiatzaren 29tik ekainaren 27ra arte egongo da ikusgai Montehermoson, Jovellanos aretoan; udalaren kultur zentroak Euskal Herriko Unibertsitateko Arte Ederren Fakultatearekin batera sustatzen duen deialdian hautatutako proiektuen arteko laugarrena da.

Montehermoso+UPV/EHU‘ programak komisario baten laguntzarekin proiektu artistikoak garatzeko aukera eskaintzen die bigarren zikloko, gradu-ondoko eta doktoretzako ikasleei, Montehermoso kulturunean, eta hauek oso positibotzat jotzen dute” azpimarratu du Gasteizko Hezkuntza eta Kultura zinegotzi Estíbaliz Cantok. “Sortzaile gazteek ekainaren 11ra arte aurkeztu ahalko dituzte proiektuak aurtengo deialdira, eta 2022an izango dugu horiekin atsegin hartzeko aukera” gogorarazi du.

Harekin batera Euskal Herriko Unibertsitateko Arte Ederren Fakultateko dekanorde Edurne González eta Cristina Arrázola komisarioa izan dira prentsaurrekoan.

 

Erakusketa

Gaspar Aviles artean graduatua da (EHU). 2018an, egonaldia egin zuen artistentzako lantegian, Tabacaleran.

Eskulturak – ‘Campeones del mundo’ erakusketan aurkezten duen pieza-multzoak– erronka bat planteatzen du: aldatutako objektu horiek eta horien arteko harremanak beste modu batera ulertzea. Objektuak gorputzaren neurrira eginda daude, funtzionalak dira, baina beste elementu batzuekin artikulatuz gero autonomia lortzen dute, eta beste zerbait bilakatzen.

Aplikatzen zaien energiaren emaitza dira, eta objektu horiek aprobetxatu egiten dute eragiteko duten gaitasun guztia hedatzeko  jendaurrean agertzean.

Gaspar Avilés artistak bere proiektuaren ezaugarrien berri emango du inaugurazio-egunean, hilaren 28an. Arratsaldeko zazpietan izango da.

Informazio gehiago

Share

Marcelo Mercadante eta haren Sexteto Porteño protagonistak izango dira Jazz Uhinak Hirian Barrena zikloko lehenengo ongintzazko kontzertuan

Ekainaren 19an izango da hitzordua, Martin Ttipia plazan

 

Jazz Uhinak Hirian Barrena zikloak bere lehenengo ongintzazko kontzertua aurkeztu du: ekainaren 19an 18:30etik aurrera izango da, Martin Ttipia plazan. Marcelo Mercadante —Europako bandoneon-jolerik onena, askoren iritziz— Sexteto Porteño bere taldeak lagunduta igoko da eszenatokira, Gasteizko ikusleek bere egiten jakitea goza dezaten.

Gasteizko Udaleko Hezkuntza eta Kultura Saileko zinegotzi Estíbaliz Canto, Laboral Kutxako arduradun Kepa Ortiz de Urbina, Itxaropena elkarteko lehendakariorde Larraitz Uribesalgo eta Jazz Uhinak Hirian Barrenaren antolatzaile Joseba Cabezas egon dira ekitaldia aurkezteko prentsaurrekoan. 

“Gasteizko Martin Ttipia plaza magiaz eta xarmaz beteriko txokoa da, eta lehenengoz egingo da kontzertu bat bertan. Toki paregabea da hain egun garrantzitsu baterako. Pandemiak kultura zein hura gauzatzen den tokiak pentsarazi dizkigu. Gasteiztarrak animatzen ditugu proposamen honetara batu daitezen, musikazaleak gozaraziko ditu eta”, nabarmendu du Cantok. “Emanaldiak amaiera ezin hobea emango dio Jazz Uhinak Hirian Barrena zikloaren 15. urteurrenari, zeina Gasteiz Hiri Hezitzailea jarduera-programaren barruan baitago eta azaroaren 24tik maiatzaren 18ra bitartean egin baita Jesús Guridi kontserbatorioan, ‘Le retour du jazz’ izenarekin”, gehitu du.

Kontzertuak omenaldi egingo dio Astor Piazzola badoneon-joleari, jazzaren eta tangoaren arteko fusioaren historiako musikaririk garrantzitsuenetakoa izan baitzen, haren jaiotzaren 100 urte betetzen direnean. Sarrera-txartelen salmentarekin lortutako dirua, Itxaropena elkartearentzat (ikusmen-desgaitasuna duten pertsonen Arabako elkartea) izango da.

Halaber, aurreko egunean (ekainaren 18an), kontzertua hasi aurretik, Jazz Uhinak Hirian Barrenak ‘2020-2021eko Ohorezko Makila’ emango dio Xabier Añuari, jazz-programak egiten aitzindari eta dibulgatzaile handia baita, eta Gasteizen saskibaloiaren sustatzailea eta nazioarteko saskibaloiko entrenatzaile ohia.

 

Kontzertua bera

Marcelo Mercantek Gasteizko kontzertuan bere obran dauden bi mundu batuko ditu: jazza eta tangoa, musika instrumentala eta kanta.

“40ko hamarkadan musikak dantzagarri izaten jarraitzeak berebiziko garrantzia zuen orkestra handi eta haien zuzendarientzat, eta kontzeptu horren barruan moldatzaile eta konpositoreek esku hartu, eta egin eta desegiten zuten, eta arrisku handiak aurkitu eta hartzen zituzten, euren errepertorio instrumentalean zein kanta-formatukoan”, adierazi du emanaldiaren antolatzaile Joseba Cabezasek.

“50eko hamarkadaren bukaera aldean, Astor Piazzola jenioa honetaz ohartu, eta aldarrikatu zuen: mundua eta gizartea aldatzen ari ziren, eta Buenos Aireseko musikak ere aldatu beharra zuen. Arrazoia zuen, noski, eta beraren musikak ordura arte pentsaezin ziren hainbat tokitara eraman zuen tangoa; mundukoago bihurtu zuen, nolabait”, gehitu du.

Sarrera-txartelak 15 euroan erosi ahal izango dira, maiatzaren 31tik aurrera (astelehena), www.ondasdejazz.com webgunean.

Informazio gehiago

 

 

Share

Mamen Mendizábalek eta Alberto Chicotek sustatuko dute Gasteizko eta Arabako natura eta gastronomia Fiturren

“Más Vale Tarde” saioko aurkezlea eta chefa izango dira hiriburuaren eta lurraldearen enbaxadore berriak.
Maiatzaren 20an jakinarazi da nor izango diren Gasteizen eta Arabaren 2021eko enbaxadore turistiko berriak Fiturren: Mamen Mendizábal eta Alberto Chicote. Gasteizko Udalak eta Arabako Foru Aldundiak aurkeztu dituzte, Euskadiren standean egindako ekitaldi batean. Kazetaria eta chefa “ilusioz beterik” agertu dira lurraldearen eta haren hiriburuaren natura- eta ondare-baliabideak eta gutizia gastronomikoak Espainian ordezkatzeko eta ezagutarazteko aukerarekin.
Badira urteak bi enbaxadoreek Gasteiz eta Araba ezagutzen dituztela, eta haien baliabide turistikoen miresle dira. Mamen Mendizábal kazetaria FesTValera etorri zen 2014an, “Las caras de la noticia” dokumentalen estreinaldia zela eta, eta amaitzeko galan parte hartu zuen. Mendizabal gaurkotasunarekin oso loturik egon da beti, eta mendiaren eta aire zabaleko kirolen zalea da oso. Aurkezleak azpimarratu duenez, “ingurumenaren aldeko bere apustuagatik eta naturarekiko bere errespetuagatik nabarmentzen da Gasteiz”.
Alberto Chicote chef eta aurkezleak, berriz, harreman berezia du Arabako hiriburuko Telebista Jaialdiarekin, eta zenbait alditan hartu du parte horretan. Gogorarazi du Gasteizen aurkeztu zuela lehenengoz gero ospea ekarriko zion saioa: “Pesadilla en la Cocina”. Halaber, aitortu du “sukaldari lagunak dituela hirian” eta Gasteizko pintxo-ibilbideak gomendatu ohi dituela.
Hezkuntza eta Kultura zinegotzi Estibaliz Cantok eta Sustapen, Enplegu, Merkataritza eta Turismoko foru-diputatu Cristina Gonzálezek FesTVal jaialdiak Gasteiz eta Araba sustatzeko eta ezagutarazteko egiten duen lan “garrantzitsua” nabarmendu dute, lehiaketako zuzendari Joseba Fiestrasek gidatutako ekitaldi batean.
Cantok azpimarratu duenez, “kazetaritzaren eta gastronomiaren bi erreferente aukeratu ditugu: biek gure baliabide turistikoak maite dituzte, eta zabalkunde-lan bikaina egingo dute hemendik aurrera. Gasteizera itzultzera gonbidatzen ditugu, gure kultura-ekitaldiak goza ditzaten, FesTVal barne, zeinak telebistaren hiriburu bihurtzen baitu urtero gure hiria”.
Gonzalezek azpimarratu duenez, “gure lana beti da Arabaren eta bere hiriburuaren alderdi xarmangarriei zabalkundea ematea, hala nola Gatz Haranari, harresiak dituzten hiribilduei eta gastronomiari, eta jendeari horiek ezagutaraztea. Eta, zalantzarik gabe, errazago bihurtzen da helburu hori Alberto Chicote edo Mamen Mendizábal bezalako aurpegi ezagun eta ospetsuei esker”.
Enbaxadore turistikoak aurkezteko ekitaldiak aukera ematen du iritziak trukatzeko eta lurraldea eta haren hiriburua sustatzen laguntzen duten sinergiak bultzatzeko. “El Intermedio” saioko aurkezleetakoa den Sandra Sabatésen eta Jesús Álvarez kirol-kazetariaren lekukoa hartu dute Mendizábalek eta Chicotek.
Share

Aire zabaleko kultur programazioa izango da udan Gasteizen

Uztailaren 4tik irailaren 5era bitartean, behar diren segurtasun-neurriekin.

 

Gasteizen aire zabaleko kultur programazioa izango da uda honetan, Hezkuntza eta Kultura zinegotzi k gaur goizean Euskara, Kultura, Hezkuntza, Gazteria eta Kirol Batzordean jakinarazi duenez.

Uztailaren 4an hasiko da programazioa, eta irailaren 5era arte iraungo. Ikuskizun guztiak aire zabalean egingo dira, esparru hesituetan eta edukiera mugatuarekin. “Antolatzen ditugun jardueretan parte hartzen dutenen segurtasuna bermatzea da gure lehentasuna”, azpimarratu du Cantok.

Hauek izango dira aukeratutako espazioak: Arriagako parkea, Aranbizkarreko parkea, Hegoalde, Zabalgana eta Ibaiondoko gizarte-etxeen kanpoko aldea, Gabriela Mistral kirol-zelaiak, Santa Maria plaza, Iparraldeko parkea, Falerina lorategia, Elurzuloaren ingurua, Zulueta lorategiak, Judimendiko parkea eta Pierola lorategiak.

Ekainaren hasieran emango dira programazioaren xehetasunak.

Share

Zuhar Iruretagoienaren ‘Si cae caballo, cae imagen’ erakusketa Montehermoso kulturunean

Ekainaren 20ra arte izango da ikusgai lehen solairuko aretoan

 

Zuhar Iruretagoienaren ‘Si cae caballo, cae imagen’ erakusketa aurkeztu dute Montehermoso kulturunean. Apirilaren 23tik, ostirala, ekainaren 20ra bitartean izango da ikusgai lehen solairuko aretoan. Hezkuntza eta Kultura zinegotzi Estibaliz Canto eta Zuhar Iruretagoiena egilea bera izan dira prentsaurrekoan. 

2020ko deialdian aukeratutako lau proiektuetako bigarrena da ‘Si cae caballo, cae imagen’. “Deialdi honen bitartez, gure artisten ekoizpena herritarrengana hurbiltzen dugu. Egungo egoeran, are garrantzia handiagoa hartzen du ekimen honek, izan ere tokiko kultura-sektoreak nabarmen pairatu baititu pandemiaren ondorioak. Aurten aurkezten ditugun lanek lotura argia dute osasun krisiarekin eta horrek gizartean dituen ondorioekin”, azpimarratu du Estibaliz Cantok.

‘Si cae caballo, cae imagen’ erakusketan, gizarte bati, ikusizko imajinarioari eta askatasun galerari buruzko hausnarketa egiteko aukera irekitzen du Zuhar Iruretagoienak. Mundu klasikoan boterearen eta subiranotasunaren irudia zaldi-estatuak adierazten badu ere, western zinemak askatasuna fikzionatu behar duen duen mundu postmodernoaren irudia eraikitzen du.

Gaur egungo osasun krisiak kolokan jarri ditu gizarte garaikideko kontu asko. Ildo horretan, krisiak ekarritako irakurketa eta pertzepzio berri horiek agerian jarri nahi ditu proiektuak, zaldiaren figura baliatuta analogia bat sortuz.

 

Egilea

Zuhar Iruretagoiena Arte Ederretako doktorea da, EHUn, eta Pompeu Fabra Unibertsitateko Arte digitaletako masterra du  (Bartzelona). Bere ibilbide artistikoan hainbat sari lortu ditu, besteak beste, Ertibil Bizkaia, Gipuzkoako artista berriena, Caja Madrileko “Generaciones” edo Guggenheim Horma.

Hainbat tokitan erakutsi ditu bere lanak: The Gabarron Foundation (New York,) Cristobal Balenciaga Museoa (Getaria), Rekalde aretoa (Bilbo), C-ART Galerie Prantl & Boch Bregenz (Austria), KM (Donostia) edo Bilboko Guggenheim museoan, besteak beste.

Egun, bateratu egiten ditu Arte Ederretako Fakultateko irakasle lana eta artista- eta sortzaile-lanak.

Artistak berak adierazten duenez, azken lanetan praktika-artistikoari proiektu-kontzeptutik eta ez piezen kontzeptutik heldu beharra taxutu da. Praktikari proiektu- eta prozesu-kontzeptutik ekiteak metodologia aldatzea ahalbidetu dio, eta horrek hobeto erantzuten die unean uneko  interes pertsonalei.

Proiektu-kontzeptuak praktika artistikoa ikuspegi zabalagotik jorratzeko aukera ematen dio, non azken pieza edo lanaren muntak garrantzia galtzen duen, eta sorkuntza-prozesuak esperimentazio- eta ikerketa-praktika gisa duen potentzial guztia hedatzen duen.

Share

Udalaren Antzoki Sareak % 100eko okupazioa lortu du neguko denboraldian proposatutako antzerki, dantza eta musika saioetan

Principal antzokian edukiera 400 pertsonara dago mugatuta eta gainerako udal antzokietan % 50era.

 

Udalaren Antzoki Sareak leku guztiak betetzea lortu du neguko denboraldiko antzerki, dantza eta kontzertuen proposamen ia guztietan. Urtarriletik martxora bitartean, 37 ikuskizun eskaini dira guztira, 28 Principal antzokian eta 9 gizarte etxeetako antzokietan. Principal antzokian edukiera 400 pertsonara dago mugatuta eta gainerako udal antzokietan % 50era.

“Arte eszenikoetan parte hartzen duten sektore guztientzat hain zaila den egoera honetan, gure helburua da arte eszenikoen programazioa ahal den neurrian mantentzea. Baliabide tekniko eta ekonomikoen arabera programatzen saiatzen gara, antzerkia, dantza, musika eta hori ahalbidetzen duten milaka pertsonek bere lan aparta egiten jarrai dezaten”, adierazi du Estíbaliz Canto Hezkuntza eta Kultura zinegotziak.

Udalaren Antzoki Sarea kalitateko ikuskizunak eskaintzen saiatzen da agertokietan eszenaratzen diren istorioez gozatu eta horiekin hunkitu, barre edo negar egiten duten herritar guztiei.

“Gure ustez arte eszenikoak herritarren premien parte dira, eta, beraz, administrazio publikoek premia horri erantzuna eman behar diote. Horregatik, oso positibotzat jotzen dugu neguko programazioa egin ahal izana; ikuskizun bakarra utzi dugu bertan behera, Ballet du G.Theatre de Geneve“, gehitu du Cantok.

 

Antzerkia

Aurrekoetan bezala, helduentzako antzerkietan ia leku guztiak bete dira. ‘La Máquina de Turing’, ‘Principiantes’ eta ‘Eva contra Eva’ ikuskizunek, esaterako, sarrera guztiak saldu dituzte. Nabarmentzekoa da Mario Gasek zuzendutako ‘Principiantes’ obraren erabateko estreinaldia, Principal antzokian.

Azken urteetako joeraren ildotik, ‘Antzerkia Ibaiondon’ zikloan leku guztiak bete dira eta ‘JIM Aktual’ zikloan sarreren % 85 saldu dira.

Bestalde, euskarazko ikuskizunek goranzko joera dute eta ‘Kutsidazu bidea Ixabel’ antzezlanean, adibidez, lekuen % 92,5 bete dira. “Euskarazko antzerkiak eta ikuskizunek osasun ona dute, eta, horregatik, proposamen hauen kalitatea eta kopurua handitzen jarraitzearen aldeko apustua egingo dugu”, iragarri du zinegotziak.

 

Dantza

Dantzari dagokionez, emaitzak ere oso onak dira, ia lekuen % 100 bete direlako. Izan ere, azken urteetan dantza saioetara hurbildu den pertsona kopurua neurriz igo da.

 

Musika

Kontzertu Handien Zikloaren barruan, Donostiako Orfeoiak leku guztiak bete ditu, eta Il Gardellino Baroque Orquestrak lekuen % 90. Bi taldeek kalitate handiko kontzertuak eskaini dituzte.

Pop kontzertuei dagokienez, ia leku guztiak bete dituzte, eta nabarmentzekoa da batez ere ETS talde arabarrak eskainitakoa.

XXI. Mendeko Flamenkoa zikloan egin diren bost kontzertuek leku guztiak bete dituzte. Edizio honetan 2020ko zikloan partu hartu ezin izan zuten kantarietako batzuk egon dira.

 

Familia giroan

Azkenik, familiei zuzendutako ikuskizunetan edukieraren % 90 bete da. Familientzako ikuskizunetan parte-hartzaile kopurua pixkanaka goraka doala nabari da.

Antzoki Saretik oso modu positiboan baloratzen dute herritarrei kalitateko antzerkiak eskaintzen jarraitzea. “Publikoari eskerrak eman nahi dizkiogu, pandemia egoeran ere antzokiak betetzen dituelako. Herritarrek antzokira joateko beharra dutela uste dugu, eta hala erakutsi dute amaitu berri den denboraldi honetan. Bertan egiten diren antzerki eta jarduerak guztiz seguruak dira”, azpimarratu du Estíbaliz Cantok.

 

DATUAK / DATOS

IKUSKIZUNA / ESPECTÁCULOData / FechaLekuak / AforoIkusleak / Espectadores/as%
ANTZERKI ABONAMENDUA / ABONO TEATRO    
La máquina de Turing2021/02/06400400% 100,00
Principiantes2021/02/12400400% 100,00
La habitación de María2021/02/25400392% 98,00
Dribbling2021/03/20400388% 97,00
Fortunata y Benito2021/03/23400377% 94,25
Eva contra Eva2021/03/26400400% 100,00
ABONAMENDUTIK KANPO / FUERA DE ABONO    
Natalia Lacunza2021/02/05397325% 81,86
Santi Rodriguez2021/03/05400377% 94,25
Eñaut Elorrieta2021/02/27400369% 92,25
ETS2021/03/12400400% 100,00
DANTZA ABONAMENDUA / ABONO DANZA    
Carmen Maquía2021/02/19400390% 97,50
Ballet du G.Theatre de Geneve2021/03/19367367% 100,00
EUSARAZKO ANTZERKI ABONAMENDUA / ABONO EUSKERA    
Kutsidazu Bidea Isabel2021/02/17400369% 92,25
Zer gertatu ote zitzaion Ana Garciari2021/03/04273232% 84,98
     
ABONO IBAIONDO ABONAMENDUA    
Un poyo rojo2021/02/26143143% 100,00
Españolas, Franco ha muerto2021/03/18146146% 100,00
ABONO JIM ABONAMENDUA    
Antonia2021/02/18136134% 98,53
Quinta Feira2021/03/1112491% 73,39
ABONO FLAMENCO ABONAMENDUA    
Pansequito2021/01/30149149% 100,00
Israel Fernández2021/02/13148148% 100,00
Mayte Martín2021/02/27148148% 100,00
David Palomar2021/03/13149149% 100,00
Cancanilla de Málaga2021/03/27149149% 100,00
KONTZERTU HANDIAK / GRANDES CONCIERTOS    
Orfeón Donostiarra2021/02/20400394% 98,50
Il Gardellino Baroque Orquestra2021/03/06400351% 87,75
FAMILIARENTZAKO ANTZERKIA / ABONO TEATRO FAMILIA    
Alpha2021/02/21264238% 90,15
Kotondarrak2021/02/28264237% 89,77
Encuentracuentos2021/03/14344316% 91,86
Laika2021/03/28350299% 85,43
FAMILIARENTZAKO MUSIKA ABONAMENDUA / ABONO MUSICA FAMILIA    
Pangea2021/02/07330325% 98,48
Ekomusik2021/03/07270238% 88,15
GUZTIRA / TOTAL  9307% 92,90

 

 

 

 

 

Share

Apirilaren 12an irekiko da haur-eskola publikoetan matrikulatzeko epea

Internetez  egin ahalko da izapidea, edo Gasteizko herritarrei laguntzeko bulegoetan, hitzordua hartuta. 

 

Seme-alabak 2020-2021 ikasturterako Gasteizko haur-eskola publikoetan matrikulatu nahi dituztenek apirilaren 12tik maiatzaren 9ra bitartean egin ahalko dute. Hala iragarri du Hezkuntza eta Kultura zinegotzi Estíbaliz Cantok matrikulazio-kanpaina aurkezteko gaur goizean egindako prentsaurrekoan. “Gasteizko Udalak Haurreskolak Partzuergoarekin lan egiten du herritarrei leihatila bakarreko zerbitzua eskaintzeko, eta ondorioz, matrikulazioa errazteko, edozein delarik familiek aukeratu nahi duten eskola” adierazi du.

Pandemiak aldatu egin du baliabide hauen ohiko funtzionamendua, eta segurtasun-protokolo eta -neurri zorrotzak aplikatzen dituzte COVIDari aurre egiteko. Neurri horiek mantendu egin dira 2020-2021 ikasturtean, eta hala izango da osasun-egoerak eskatu bitartean.

Zinegotziak azpimarratu nahi izan duenez “datorren urtean ere doakoa izango da udalaren haur-eskola 18.000 eurotik beherako familia-errenta duten familientzat. 2019an ezarri genuen neurri hori”.

Izena on line eman ahalko da, Gasteizko Udalaren egoitza elektronikoaren bitartez. Identifikazio digitaleko ziurtagiria izan behar da horretarako. Horretaz gain, aurrez aurre egin daiteke matrikula, aurretiaz hitzordua eskatuta, gizarte-etxeetako herritarrei laguntzeko bulegoetan edo San Antonio kaleko bulegoan.

Matrikulatzeko epea maiatzaren 12tik maiatzaren 9ra izango da. 2021eko maiatzaren 5etik 14ra bitarteko haurren kasuan, 2021eko maiatzaren 19ra bitartekoa (egun hori barne) izango da izena emateko epea. Ekainaren 4an argitaratuko dira onartuen behin-behineko zerrendak eta itxarote-zerrendak. Erreklamazio-epea ekainaren 4tik 9ra bitartean izango da, eta ekainaren 21ean argitaratuko dira behin betiko zerrendak. Matrikula ekainaren 21etik 25era bitartean egin behar da.

2021eko irailean ikasturtea hasita, leku librerik izanez gero, familiek hilez hile eman ahalko dute izena. Ikasturtea 2021eko irailetik 2022ko uztailera artekoa izango da (biak barne).

 

Leku-kopurua

Gasteizko  haur-eskola publikoen sareak 25 eskola ditu, eta 1.428 leku: 304 leku 0 urteko haurrentzat, 962 leku urte batekoentzat, eta 162 leku bi urtekoentzat.

Udalak 0 eta 3 urte bitarteko haurrentzako bost eskola kudeatzen ditu;  gainerako 20 haur-eskolak, 0 eta 2 urte bitarteko haurrentzat dira eta Haurreskolak Partzuergoaren menpe daude. Bi ordutegi aukera dago: 5 ordu edo 8 ordu egunean.

Hauek dira udalaren haur eskolak: Haurtzaro (hirigune historikoan), Sansomendi, Zaramaga, Lourdes Lejarreta (Lakuan) eta Zabalgana. 8 orduko modalitatean jantoki zerbitzua eskaintzen da, eta udaleko sukaldariek eskoletan bertan prestatzen dute janaria, sasoiko elikagaiak erabiliz —gehienak, ziurtagiri ekologikoa dutenak—.

Informazio gehiago emate aldera, Udaleko Hezkuntza Zerbitzuak bi hitzaldi emango ditu: Apirilaren 12an, astelehenean, 18:00etan, Europa biltzar-jauregian, eta hilaren 13an, asteartea, Salburuko gizarte-etxean. Hitzaldietan parte hartzeko izena eman behar da udalaren webgunean. Saioak streaming  bidez ere emango dira.

Informazio gehiago    

EUS haur eskolak izen ematea-2021-eus

 

Share

Udalak opor-jardueren programa berreskuratu du eta 2.210 plaza eskainiko ditu guztira 2021ean

Izena emateko epea apirilaren 6an hasiko da

 

Gasteizko Udalak opor-jardueren programa berreskuratu du; iaz bertan behera utzi behar izan zuen pandemia zela eta. 2021. urtean 2.210 plaza eskainiko ditu: 1.797 leku 4 eta 17 urte bitarteko haur eta gazteentzat, eta beste 413 “Jarduera nautikoetako hastapen ikastaroetarako”; azken hauek Kirol Zerbitzuak herritar ororentzat antolatzen ditu. Jarduera hauei hiriko guraso-elkarteek antolatzen dituztenak gehitu behar zaizkie.

“Pozgarria da programa hau berreskuratu ahal izatea; hori bai, osasun-agintariek ezarritako neurri guztiak betez. Horrela, parte-hartzaileen segurtasuna bermatzen dugu”, adierazi du Gasteizko Hezkuntza eta Kultura zinegotzi den Estíbaliz Cantok.

Eskaintza 8 programatan banatuta dago eta 2021eko ekainaren 21etik abuztuaren 27ra bitartean egingo da, guztira 10 aste: “Jolas txokoak” (640 plaza), “Udako ludotekak” (477 plaza), “Green Summer Camp” (200 plaza), “Abentura udalekua” (90 plaza), “Udako txokokluba” (110 plaza), “Jarduera nautikoetako campusa” (184 plaza), “Udalekuak hondartzan” (96 plaza) eta “Jarduera nautikoetako hastapen ikastaroak” (413 plaza).

“Eskaintza zabal hau udal sailen planifikazio bateratu eta koordinatuari esker antolatu dugu. Elkarrekin ari gara lanean Hiri Hezitzaileen Gutunetik ateratako balioekin lotura zuzena duten hezkuntza-helburuak lortzeko, hots, gizalegea, sormena, bakearen kultura, ekitatea, emakumeen eta gizonen arteko berdintasuna, jasangarritasuna eta abar”, gehitu du Cantok.

Programa honetan izena eman nahi dutenek apirilaren 6tik 18ra egin ahalko dute. Zozketa maiatzaren 10ean egingo da eta izen-ematea maiatzaren 10etik 18ra formalizatu beharko da. Maiatzaren 21ean libre geratutako plazak argitaratuko dira, eta maiatzaren 26tik ekainaren 6ra bitartean eskatu ahal izango dira.

Jarduera nautikoetako hastapen ikastaroei dagokienez, maiatzaren azken astean hasiko da izena emateko epea, eskainitako lekuak bete arte.

Opor-plazetarako eskabideak aurkeztu zein formalizatzeko hainbat bide daude: gizarte etxeetan, aurretiaz hitzordua eskatuta (8:30etatik 20:00etara, astelehenetik ostiralera); herritarren argibideetarako telefonora deituz (010 edo 945 16 11 00); edo Udalaren web orriko (www.vitoria-gasteiz.org) egoitza elektronikoan.

Informazio gehiago

 

 

 

Share

Carolina del Olmok Gasteizko Guraso Eskolen 25. Topaketan parte hartuko du

Larunbatean, martxoak 13, izango da Europa biltzar-jauregian

 

Gurasoen Topaketa Liburuxka21

Carolina del Olmok Guraso Eskolen Topaketen 25. urteurrenean parte hartuko du. ¿Dónde está mi tribu? Maternidad y crianza en una sociedad individualista (Clave Intelectual) saiakeraren egilea da, non amatasunak gaur egun dituen tranpa eta potentzialtasunen inguruan jarduten baitu (dagoeneko zortzigarren edizioa du).

Bertan kontatzen digunez, zaintzaren esperientziak kontaktuan jartzen gaitu gizakiak garen aldetik dugun ahultasun ikaragarriarekin eta elkarrekiko mendekotasunaren eta elkarrekiko laguntzaren beharrezko izaerarekin” adierazi du Hezkuntza eta Kultura zinegotzi Estibaliz Cantok.

Carolina del Olmo filosofian lizentziatua da, UCMn, eta Madrileko Arte Ederren Zirkuluko Argitalpen Saileko zuzendaria.

Bere hitzaldia, “Zaintzaren esperientzia: ikasketa morala”, 17:00etan hasiko da Europa biltzar-jauregiko Francisco de Vitoria aretoan. Sarrera librea izango da edukiera bete arte eta zuzenean jarraitu ahal izango da streaming bidez.

Hitzaldiaren ondoren, 18:30ak aldera, solasaldia egingo da, txat bidez (on line jarraitzaileek ) eta aretora bertaratuek egindako galderei erantzuteko.

Topaketaren helburua guraso eskoletako taldeek jarduera bateratua egitea da, elkarren artean beste lotura bat izateko. Mendebaldea institutuko eta Olabide eta Odon de Apraiz ikastetxeetako taldeek lagundu dute 25. edizio hau antolatzen

 

Guraso eskolak

Guraso eskolak Gasteizko Udaleko Hezkuntza Zerbitzuan duela 25 urtetik hona gauzatzen den programa baten parte dira. Ikastetxe bereko ikasleen gurasoek osatzen dituzte taldeak, eta seme-alaben adinen araberako prestakuntza- eta hausnarketa-prozesua egiten dute.

Beraiek zehaztutako gaiak jorratzen dira, guztiak zainketa pertsonal, hazkuntza eta hezkuntzari lotuak. Ikasturte osoan zehar egiten dituzte saioak.

Estibaliz Cantok agerian utzi nahi izan du ekimen honen balioa. “Pandemiaren ondorioz bizi dugun egoera honetan azpimarratu egin nahiko nuke guraso taldeek, familiek eta ikastetxeek prestakuntza jarduerak gauzatzeko egiten duten ahalegina. Ezinezkoa izango zatekeen saioekin jarraitzea hiriko ikastetxeek gune seguruak utzi izan ez balituzte”.

Konfinamendu garaian, martxotik maiatzera bitartean, on line egin ziren saioak. Aurtengo ikasturtean hainbat modalitate izan dira taldeen interesen arabera: aurrez aurrekoa (baldintzek aukera ematen bazuten), on line, eta saio berean on line eta aurrez aurre egiteko aukera ematen duen modalitatea.

Egun 42 talde daude – Gasteizko 27 ikastetxe eta 5 haur eskolatakoak– eta sare bakarra osatzen dute.  700 pertsona inguruk hartzen du parte.

Ahultasun-egoera handiena duten ikastetxeetan dinamika hauek sortzea bultzatzen dugu, beti ere horietako bakoitzaren beharretara egokituta, familiek ikastetxeen jardueretan parte-hartzea sustatuz” adierazi du zinegotziak. “Hiri hezitzaileek desberdintasunak konpentsatzeko duten zereginaren inguruan hausnartzeko dugun konpromisoaren parte da, eta horretarako inklusioaren arloko politika hezitzaileak sustatzen ditugu gizarte-aurrerapena xede” gaineratu du.

25 urteko lan hau dela eta, Hiri Hezitzaileen Estatu mailako Sareko hiri koordinatzaile aukeratu zuten Gasteiz 2020ko martxoan. Elkarte horretan estatuko 200 hirik hartzen du parte. Gasteizek ‘Hiri inklusiboa, Hiri hezitzailea’ izeneko sare tematikoa ere koordinatzen du nazio mailan.

 

 

 

 

 

 

Share