VGaztea

Utopia.Gazte klik klaren edizio berriaren hasiera, gazteentzako argazkigitza eta bideo sorkuntzaren lehiaketa

Gazte Klik Klak-aren 2021eko edizioa 13. da. Gazteen sormen-gune batean bihurtzea lortu du Gazte Klik klak-ek, eta hirian sortzen ari den artista talde baten lana bultzatzen lagundu du. Aurreko edizioetatik gaur egun argazkigintzaren eta bideo-sorkuntzaren munduan ospe oneko gazteak igaro dira: Jon Gorospe, Sara Berasaluce, Leire Baztarrica edo Jennifer Custodio besteak beste.

Edizio honetako gaia UTOPIA da. Hirian, ekologian, giza harremanetan, teknologian…

Deialdi berri honetan, gazteek, argazkigintzaren eta ikus-entzunezkoen bidez, beren ingurune hurbilean utopiari buruz duten ikuspegia ikustaraztea nahi dugu. Utopia gobernu sistema ideal bat da, non gizarte perfektu eta justu bat sortzen den, non dena gatazkarik gabe eta harmonian gertatzen den. Oro har, komunitatearentzako plan ideal, erakargarri, onuragarri hori, zaila da betetzen edo formulatzeko unean ezin da gauzatu.

Baldintzak

  • Parte hartzaileak: Gasteizen bizi diren edo ikasten duten 14 urtetik 25era bitarteko gazteak.
  • Jasotzeko epea: 2021eko urriaren 22tik azaroaren 21a bitartean, biak barne.
  • Epaia: abenduko lehengo hamabostaldian zehar argitaratuko da epaia, Udalaren webgunean, nahiz Gazteen Argibideetarako Udal Bulegoan.

Sariak

    • 300 euroko lau bono trukagarriak, argazki, bideo edo kultura materiala erosteko.
    • Lau sarituek Tetrapack talde erakusketa batean parte hartuko dute, gure hiriko argazkilaritzan eta arteanadituak diren hainbat artistaren tutoretzapean.
    • Erakusketa 2022ko bigarren lauhilekoan izango da. Katalogo bat argitaratuko da, parte-hartzaileen lana eta ibilbidea jasoko dituena .

Oinarriak

Ikusi informazio osoa obren ezaugarriei eta euskarriei buruz, lanak nola entregatu, erakusketa,epaimahaiaren erabakia etab. Gazte Klik Klak lehiaketaren oinarriak Imagen archivo pdf

Kontaktua

Lehiaketa edo oinarri hauei buruzko edozein galdera argitzeko honako posta elektronikora jo dezakezue gaian Gazte Klik-klak 2021 adieraziz: gazteklikklak@gmail.com

“Matxismoa, gizaldi berriaren esklabotza”. 2020ko Hiretu Hiriaren edizioan saritutako proiektua

« Nola izango dira feminaziak, emakumeak hiltzen badira, ez hiltzen dutenak? », « Ez dugu beste bat nahi », « Matxismoa mende berriko esklabotza da »,  « “Gakoa irakaskuntza eta hezkuntza dira ».

Biribilak dira, besteak beste, Koldo Mitxelenako DBHko 4. kurtsoko gazteek sortutako abesti honetan jasotako esaldietako batzuk. Kantuaren konpositoreek ( 3 ikasle gazte), bere lankideen aportazioez eta parte hartzeaz bideoklip hau osatzen lortu zuten. Koldo Mitxelenako gela horrek Hiretu Hiria- Haz tuya la ciudad programaren barruan honako gai hau lantzea erabaki zuen: « Ingurune matxistak ».

Horretarako, etxe barruan zein kanpoan bizi diren ingurune matxistak identifikatu zituzten, haiek ingurune horietan beren gain hartutako rolei buruzko gogoeta egin zuten, aztertu egin zituzten, eta emakumeek bizi dituzten desberdintasun- eta indarkeria-egoera horiek ikusaraztea erabaki zuten. Gasteizko herritarrak errealitate latz horretaz jabetu daitezen, eta desberdintasun-egoera horiek saihesteko tresnak proposatzeko, “Matxismoa, mende berriko esklabotza” abestia egin eta antzeztu zuten. 2021eko Hiretu hiria Galan, Hiretu – Hiria 2020 edizioan parte hartu zuten 19 taldeek (9 zentrok) gehien bozkatutako proiektua izan zen. Saria aisialdiko eta laneko asteburu bat izan zen, eta hortik sortu zen hemen aurkezten dugun bideo hau.

Hiretu Hiria Gala, Hiretu Hiria programaren parte da, 14 eta 18 urte bitarteko gazteei zuzenduta, parte-hartze kulturan heztea helburu. Gazteria Zerbitzuak antolatzen du.

Bideo honekin emango diogu hasiera 2021eko Hiretu Hiriari. Bertan, 8 ikastetxetako 21 taldek hartuko dute parte.

 

 

 

 

 

Ainhoa Ordoñez eta ‘Eskua’ dokumentala ( Gazte Sortzaileak)

Ainhoa Ordoñezek Euskara Zerbitzuko “ Gazte sortzaileak” programako beka bat irabazi zuen iaz. Orain Oihanederrera etortzen zaigu aukeztera bere emaitza, Eskua.

Azken denboraldi honetan Gasteiz artista komunitate txikia sortzen hasi da. Musikariak, iluztraziogileak, zinemagileak, argazkilariak etab.bere lana bultzatzeko alternatiba ezberdinak sortzen hasi dira.

Dokumental honek artista hauen erretratu bal bilatuko du, haien eguneroko errealitatearen erregistroaren eta haien lan artistikoaren batuketa dela medio. Beraz, disziplina artistiko desberdinak nahastuz, Gasteizko artista komunitate txiki honen identitate islatzen duen ikus-entzunezko pieza da.

  • Tokia: Ortuño aretoa (Oihaneder Euskararen Etxea)
  • Egunaurriak 15.
  • Ordua: 20:00.
  • Hizkuntza: euskara.
  • Sarrerakeskuragarri plazak bete arte.

Sarrerak eskuratu 

Telefonoz: deitu 010 telefonora, edo, Gasteiz kanpotik deitzen baduzu, 945 16 11 00 zenbakira.

 

Eskuragarri dago uztaileko albistegi gaztea!

Hilabete honetako buletinean, besteak beste, albiste hauek aurkituko dituzu:

Gazte-uztaila gozatu! opor-programan parte hartzeko azken plazak, e-GA Sariak Hizkuntza-lankidetzako proiektuak, Ezagutu ezazu “Udan ere LibreIzanNonahi” kanpaina eta aurre egin indarkeria sexista eta matxistari!, Garapen komunitarioa bultzatzeko proiektu eta ekimenen deialdia, Egin Leku! Deialdia musikari hasiberrientzat, Piraguismoko edo windsurfeko ikastaro bat egin nahi?…

Kontsultatu online edo harpidetu zaitez eta zure posta elektronikoan hilero jaso!

INSITU Art Festival-en amaiera.

Joan den ostiralean, uztailaren 2an, The Tap tabernan, IN Situ ArtFestival-ek amaiera eman zion jaialdiari, eta bertan lehiaketa artistiko honen lehen edizioko artista sarituen izenak jakinarazi genituen.

“In Situ ArtFestival” ek Gasteizko tokiko saltokien erakusleihoetan esku hartzeko deialdi bat proposatu zuen, saltoki horien, tokiko artisten eta herritarren artean sinergiak sortzeko. Deialdiaren oinarriei jarraiki, eta lanak aurkezteko epea amaitu ondoren, 43 proposamen artistiko jaso ziren, eta horietatik 10 hautatu ziren lehen fasean hiriko saltokietan erakusteko.

Epaimahaia honako hauek osatu dute: Jon Cazenave (argazkilaria eta irakaslea), Miriam Isasi (Arte Ederretako artista eta doktorea EHUn eta UNAMen), Charo Garaigorta (Hezkuntza eta Publikoentzako Programen Saileko arduraduna Artium Museoan, Arte Garaikidearen Euskal Museoan) eta Idoia Ruíz (Gauekoak, Gasteizko 16 eta 30 urte bitarteko gazteentzako aisialdi-programaren ordezkaria).

Tokiko 10 saltokietan azaldutako 10 esku-hartze artistikoak ebaluatu ondoren, sariek huts egin zuten, eta honela geratu ziren:

– 1. saria: Alazne Payueta (Denda: Farucho interiorismo)

– 2. saria: Maiela Zurutuza (Denda: Ibañez Arana iluminazioa)

– 3. saria: Sara Pérez (Denda: Minerva Imprenta Moderna)

Lehiaketaren oinarrietan jasotakoaren arabera, sariak honela lortu dira:

Lehen saria: 300 €

Bigarren saria: 200 €

Hirugarren saria: 100 €

Sari horiek Gauekoak aisialdi alternatibo eta osasuntsuaren programak eman ditu eta udaberri-udako denboraldiko programazioaren barruan egon da.

Eman izena @Vitoriagazteok profila kudeatzeko

16 eta 35 urte bitartean badituzu; Gasteizen bizi, ikasi edo lan egiten baduzu, eta Instagram gustatzen bazaizu, @Vitoriagazteok profila kudeatzeko apuntatu zaitezke 15 egunez.

Denbora horretan, zure interesekoak diren edukiak partekatu ahal izango dituzu 1.000 jarraitzailerekin baino gehiagorekin, eztabaidak proposatu, lehiaketak egin, irudiak igo…, profilaren kudeaketa librea da, baldin eta Gasteizko gazteei interesatzen zaizkien gaiak badira.

Parte hartzeko formulario hau bete besterik ez duzu egin behar. Aukeratzen bazaituzte, 60 euroko bonoa jasoko duzu tokiko merkataritzan gastatzeko, profila kudeatzen eman dituzun bi asteetan egindako lana konpentsatzeko.

Animatu eta parte hartu!

VG.1936ko (G)uda. Un verano en guerra.

Argazkigintza eta historia uztartuz, Espainiako Gerra Zibilaren lehen egunak ulertu eta aztertu nahi dituen proiektu bat aurkezten dugu (Haziak-Ideia Gazteak lehiaketan saritutakoa). Proiektu honen helburua 1936ko irudi historikoak deskribatzea da, garai hartan gertatutakoak aztertuz, baina helburu politikorik gabe.

 Erakusketa-Ibilbide bati jarraituz eta hainbat argazkiren bidez, Gerra Zibilean oso garrantzitsuak izan ziren hainbat gai jorratu dira, hala nola: emakumearen papera, Elizaren garrantzia, gizartearen militarizazioa eta haren ondorioak, e.a.

“Vitoria-Gasteiz 1936ko (G)uda. Un verano en guerra ” erakusketa Gasteizko hainbat gaztek osatutako VG.1936 kolektiboaren ekimena da. Erakusketa hau egin ahal izateko, gazte horiek Udal Artxiboan arakatu zuten 1936ko udan ateratako argazkien bila.

Ceferino Yanguasek 1936ko udan ateratako argazkiak (metro 1 X metro 1) Gasteizko hainbat kaletan jarri ziren (atera ziren toki berberetan), eta 2 bisita gidaturen bitartez oinezkoei ibilbide historiko bat bizitzeko aukera eman zitzaien (ekainaren 19 eta 20an). Hiritarren erantzuna oso positiboa eta parte-hartzailea izan zen.

VG.1936 kolektiboaren gazteek oso baloratu dute euren hiriaren historian murgiltzeko esperientzia, baita Gasteizko Udal Artxibategian eginiko ikerketa-lana ere. Gainera historiarekiko grina kalera ateratzea eta jendeak ikusteak gazteek badutela zer esan, oso baloratu dute.

1936ko (g)uda. Argazkiak eta ibilbidearen planoa Imagen archivo pdf

Argazkia: Diario de Noticias de Álava

 

#Batera: kultur proiektuak elkarrekin. Aurkezpenak.

Diru bilketa minimoa lortzeko crowfunding kanpainaren ondoren, Jone Arriola, Maider Lasa eta Eñaut Zubizarretak sormen lan bakoitzarekin egin ahal izan zuten lan. Orain, jendaurrean aurkezteko unea iritsi da.

Aurkezpenak Oihaneder Euskararen Etxean egingo dira 19: 00etan.

  • Ekainak 22, Larrugorritan (Jone Arriola): gazteei zuzenduta dagoen euskarazko fikziozko seriearen lehenengo kapitulua estreinatuko dute.
  • Ekainak 23, Loa loa, laguna (Maider Lasa): helduentzako sexu lo kantez osatutako diskoan oinarritutako ikuskizuna egingo du.
  • Ekainak 24, Poliedro Vol. 1 (Eñaut Zubizarreta): biolontxeloa gaur egungo musiketara egokitutako kontzertua eskainiko du.

Ekitaldiei buruzko informazio gehiago nahi izanez gero, udal-agendan edo Gauekoak atalean kontsulta dezakezu.

Vitoria-Gasteiz Hobetuz: guztion artean Gasteiz hobetzen dugu

Gasteizko Udalaren Partaidetza Zerbitzuak Vitoria-Gasteiz Hobetuz programa abian ipini du berriro ere. Udalak zer egitea nahiko zenuke hiria hobetzeko? Guztion artean erabakiko da zein proposamen burutuko diren.

Proposamenak aurkezteko epea ekainaren 28ra arte irekita dago.

Asierrek eta Andonik Vitoria-Gasteiz Hobetuz-eko 1. edizioan “Parkour Park” proiektua aurkeztu zuten.

Zure proposamena aurkezteko udal langileen laguntza izateko aukera duzu, aldez aurretik hitzordua eskatuz. Bestalde, informazio gehiago nahi izanez gero, egingo diren hitzaldietara etor zaitezke, honetan ere aldez aurretik izena emanez.

Argibide gehiago

Tetrapack 2021: bultzada kolektiboa.

Gasteizko Udaleko Gazteria Zerbitzuaren eta Arabako Foru Aldundiko Kultura eta Kirol Sailaren lankidetzaren ondorioz, Tetrapack 2021 erakusketak gaur, maiatzak 21, ateak irekiko ditu 19:00etan Amarika aretoan ekainaren 27ra arte (barne).

Honakoa, Gazte Klik Klak 2020ko Maitane Campos, Liam McDonnell, María Fariñas eta Asier Corredera argazki eta bideo lehiaketako irabazleen lanaren emaitza da. Geihago…